Opor garaiaren atarian gaude. Etxetik irten, leku berriak bisitatu eta egunerokotasuna aldatzeko egunak dira. Eta askotan infernu bihurtzen diren egunak ere badira, batez ere interneterako konexioa falta zaigunean. Ba, lerro hauek aprobetxatu nahi nituzke, lau haizetara, zera zabaltzeko… EZ LAPURTU WIFI SEINALERIK!

Bizilagunaren seinalera, bere baimenik gabe, konektatzea delitua baita. Nahiz eta pasahitzik ez izan. Gainera, sekula ez dugu konexio onik izango, beti izango dugu trabaren bat… eta horrelako kasuetan gainera, ezin inori gure kexa luzatu. Ezin errua inori bota… baimenik gabe ari baikara.

Hori da WIFI seinale batera konektatzearen arazo bakarra?

Ba ez! Oker zaude. Irekita topatu ditzakegun seinaleak, edo seinale publikoak “gaiztoentzat” gozokiak baitira. Informazioa era erraz batean eskuratzeko uhinak dira WIFI seinale horiek! Eta noski, bertara sartu ezkero, agerian geratzen gara, horrek dakarren guztiarekin

Zer egin? Nola jokatu? Hementxe gida praktiko labur bat, bai edo bai gurea ez den WIFI seinale bat erabili behar badugu

  1. Ez konektatu seinale ireki ezezagunetara, zuhurtziaz jokatu. Arrazoiren bat izango du irekita mantentzeko. Azpijokorik egongo ote da? Ziur baietz.
  2. Pasahitzak erraz eskuratu daitezke. Beraz guk kudeatzen ez dugun seinaleren bat harrapatzen badugu, tentuz jokatu datu pribatuak erabiltzerako orduan.
  3. Leku publikoetan eskaintzen den WIFI batera konektatzen bagara: Ez egin bankuko gestiorik eta kontuz pasahitzak erabiltzearekin. Edonor egon daiteke zure sare berera konektatua, eta zu egiten ari zaren hori zelatatzen.
  4. Sarera konektaturik egon behar ez badugu, deskonektatu WIFI seinalea. Ez utzi aterik zabalik.
  5. Leku seguruak bisitatu. Ez du segurtasuna %100ean ziurtatzen, baina erabili HTTPS protokoloa, badaezpada ere.
  6. Nabigatzailean erabili segurtasuna areagotu dezakeen gehigarri bat. Segurtasun kapak gehitzea ideia ona izan baitaiteke
  7. VPNak erabili ditzakezu segurtasun puntu bat gehitzeko zure nabigazioan
  8. Eta garrantzitsuena… Eguneratzeak! Zure sistema eragileak dituen zuloak estaltzeko sortzen dira, “gaiztoek” erabiltzen dituzten zulo horiek estaltzeko, eta gure burua babesteko.

Kontuz, tentuz erabili guk kudeatzen ez ditugun uhin horiek, ezusterik  ez izateko. 

Aurreko bidalketa

Snapchat, "Carpe Diem" digitala

Hurrengo bidalketa

Publizitate digitala: pertsonalizatua eta merkea. Eta, euskaraz?

Egilea

Xabier Unanue

Xabier Unanue

@xabildua
Teknologiaren mundura konektatuta, eta bertan gertatzen dena hedatzeko gogoz

1 Comment

  1. ekaina 29, 2016 at 11:36 am — Erantzun

    Kaixo Xabi,

    Munduko WiFI seinale guztiak irekita eta modu aktibo baten elkarbanatuta usten ez ditugun bitartean… VPN-en kontura ideia pare bat, ondo diozun moduan ezinbestekoak baitira:

    * Kontuz ibili doako VPN zerbitzuekin, batek daki nork jarri dituen online eta zeintzuk datu biltzen dituzten, konfiantzazkoak ez badira ez erabili inondik inora.
    * riseup.net (EEBB-ko kolektibo kripto-anarkista) doako VPN zerbitzua eskaintzen die bere erabiltzaileei (fida gaitezke), horretarako haiek kudeatzen dituzten @riseup.net e-posta helbide bat beharko duzue.
    * Berdin gertatzen da autistici.org Italiar kolektibo kripto-anarkistarekin (fida gaitezke)..
    * Bitmask (bitmask.net) aplikazioa erabili dezakezue, OSO erabilerraza da VPN zerbitzua martxan jartzeko : Linux, Android.
    Ale, oporretan joan zaitezkete 🙂

Utzi erantzun bat

Zure e-posta helbidea ez da argitaratuko. Beharrezko eremuak * markatuta daude