Gladys del Estal sariak ingurune digitalean ari diren emakume gazte euskaldunak saritu, gazteentzat erreferenteak sortu eta lan hori jendarteratzea du helburu, Gladys del Estal informatikaria gogoratzearekin batera. UPV/EHUko Informatika Fakultateak eta PuntuEUS Fundazioak sustaturiko ekimena da, Gipuzkoako Foru Aldundiaren babesa eta Danobatgroupen laguntzarekin. Hogeita hamar hautagaien artean, Ane Iturzaeta, 26 urteko donostiarra izan da 2021eko Gladys sariaren irabazlea. Gaurko saioan, lehen edizioaren irabazlearen testigantza, antolatzaileen balorazioa eta Gladys zenaren lagun baten lekukotza izan ditugu.