Zenbat gastatzen duzun jakin nahi? Arkaitz Bastida eta Paul San Senbastian Sabbatic aplikazioaren sortzaileak elkarrizketatu ditugu gaurkoan. Apliazio honek tiketak irakurtzen ditu eta gastuak justifikatzeko gai da. Enpresa txiki zein handiek erabiltzen dute.

Gai serioetaz aritzen dira normalean Aiora Mugika eta Aitzol Astigarraga Wikilariak. Gaurkoan, aldiz, Wikipediaren lehiaketetaz hitz egin dute, baita haien sarietaz ere. Lehiaketa hauen helburua partaide berriak bilatzea da, artikuluak idaztera anima daitezen.

Etengabe garatzen ari den teknologia da robotika. Ander Ansuategirekin hitz egin dugu Teknikerrek sortu berri duen robotaren inguruan. Negutegietako izurriteak eta tomate landareetako pestizidak kontrolatzeko gai da makina hau. Era autonomoan funtzionatzen du.

Egunkarian albisteak irakurtzen ditugun arren, Wikipediak albiste horien laburpena eta jarraipena eskaintzen digu. Hortaz mintzatu dira Aiora Mujika eta Aitzol Astigarraga wikilariak. Pil-pilean dauden gaien inguruko berriak irakur ditzakegu bertan.

Ezezagunak ditugu mundu akademikoan baliagarriak diren hainbat tresna. Horien artean aurkitzen da “Aditu.eus”, Elhuyar fundazioaren asmakizun berria. Euskerazko eta gaztelaniazko audioak testu bilakatzen ditu. Igor Leturiak honi buruzko azalpen sakonak eman dizkigu.

Gaur egungo gizartean modernoak iruditu arren, Kristo Aurretik lehenengo mendean sortu zuten lehen robota. Bilakaera izugarria izan dute historian zehar, hainbat sektoretan ezinbestekoak bihurtzeraino. Robotikaren inguruko bitxikeriak kontatu dizkigute Aitzol Astigarraga eta Aiora Mugika Wikilariek.

Asko dira istripu baten ondorioz ibiltzerik ez duten pertsonak. Robotak honen irtenbidea izan daitezke. Juanjo Izeta eta Lorea Gonzalez Gogoa enpresako kideek errehabilitazio munduan zentratzen dute haren jarduna, ezintasunen bat sufritzen duten pertsonei lagunduz.

Ohikoa da bigarren hezkuntza edota batxilerreko ikasleak historiako klaseetaz kexatzen direla entzutea. Hala ere, badaude teoriaz jositako edukiak azaltzeko metodo batzuk, ikasgelan erabilgarriak izan daitezkeenak. Horien artean aurkitzen dira Histropedia eta Crotox tresnak, denbora lerroak osatzeko baliagarriak.

Gaztea irratiaren urteurrena datorrela eta, sare sozial ezberdinei buruz jardun da Alex Padilla. Azken aldian gorakada nabarmena izaten ari da Gaztea, Instagram-en dituen jarraitzaileei erreparatzea besterik ez dago. Esatariak dioen bezala, Gaztea irratiak txipa aldatu du, baina haren esentzia galdu gabe.

Otsaila iritsi da eta oraindik zertaz mozorrotu ez dakizu? Euskal Herrian inauteriak jai ospetsuak izan dira betidanik eta pazkoa eguna baino zazpi aste lehenago ospatzen dira. Wikilariek aipatu bezala, zeltiar kulturarekin eta kristautasunarekin harreman estua duten jaiak dira. Galder Gonzalez eta Aitzol Astigarragaren eskutik informazio gehiago.