Galdera batekin hasi dugu saioa. Heldu al zaizu noizbait, ezagutzen ez duzun norbaiten mezua, baina, zure datuak dituena, eta esteka bat dakarrena?

Hasteko, Zibersegurtasuneko Euskal Zentroa Zibersegurtasuneko Foro Nazionalean sartu da. Javier Dieguez Cybersecurity Centre-ko zuzendaria elkarrizketatu dugu. 

LIBRECON teknologia irekien sektoreko nazioarteko ekitaldi handiari buruz ere hitz egin dugu, Eneko Astigarraga, Euskadiko Teknologia Askeen eta Ezagutza Irekiaren Enpresen Elkarteko lehendakariarekin.

Manex Garaiok kontuan hartzeko egunerokotasunerako zenbait aholku eskaini dizkigu, botnek-ak oinarri hartuta. 

Bukatzeko, txikientzako jolasen inguruan aritu dira Eider Eibar eta Ainhoa Azkue.