Podcasta

Azaroaren 23an GameGuneren 21.edizioa izango da Euskaltelen Egoitzan, Bizkaiako Parke Teknologikoan. Lehiaketaren funtzionamendua eta informazioa azaltzen Sabino San Vicente Euskaltel Fundazioaren gerentea izan dugu. Partidak nola jarraitu daitezkeen, parte hartzaileak nor diren, sariak zein diren... eta beste hainbat xehetasun azaldu dizkigu. Horrez gain, abenduaren 6tik 8ra izango den Araba Encounterrari buruz ere mintzatu gara. Azkenik, Manex Garaiok ramsonware-ak zer diren eta gure ordenagailuetara nola iristen diren azaldu digu, Eriz Lopeteguik idatzitako artikulua irratsaiora ekarriz.
Irakurri Gehiago
14/2019 Lege Dekretuaren ezaugarri eta nondik norakoak azaldu dizkigute Josu Waliño PuntuEus Fundazioko zuzendariak eta Ion Turrillas eremu digitalean aditua den abokatuak. Zergatik jarri dute indarrean adierazpen-askatasuna mugatzen duen dekretu hau? Nola eragingo dio honen aplikazioak gizarteari? Aitzol Astigarraga eta Aiora Mujika wikilariek ere dekretu honen inguruko zenbait aspekturi buruz hitz egin digute. Azkenik, Manex Garaiok pasahitzen inguruan hitz egin digu, Juanan Pereiraren artikulua mahai gainean jarriz.
Irakurri Gehiago
Internetak 50 urte bete ditu eta garbi dago gure bizitzak aldatu dituela. Gure egunerokotasunean sartu da, behar bat bihurtu da eta gure zenbait kezken eragile da. Gaur egun, zibersegurtasunak ardura sortzen digu, eta Aitzol Astigarraga eta Galder Gonzalez wikilariekin gai honi buruz hitz egin dugu. Nola bermatzen du erabiltzaileen eta artikuluen segurtasuna Wikipediak? Bestalde, Manex Garaio software libredun smartphonen inguruan jardun da, Igor Leturiaren artikulua oinarritzat hartuta.
Irakurri Gehiago
Gaurkoan historiara jo dugu Lorea Aragaraterekin estralurtarren inguruan egin diren hausnarketak eta gertatu diren kasuen inguruan murgiltzeko. Estralurtarren fenomenoari eta beste hainbati, komunikabideek ematen dioten garrantziak gizartean duen eraginaz ere jardun dugu. Gaiarekin jarraituz, Wikilariekin objektu hegalari ezezagun desberdinei buruz hitz egin dugu. Manex Garaiok euskarazko sareko teknologia errepikatuei buruz hitz egin digu eta, azkenik, Iñigo Martinezek, Eragineko kideak, Sarean Euskaraz jardunaldiak nola joan diren azaldu digu.
Irakurri Gehiago
BCBL (Basque Center of Cognition, Brain and Language) -ko ikerlaria den Irene Arrieta izan dugu gaurko saioan. Zer da koklea bat? Nola egiten da inplante koklearra? Nola eragiten die inplante hauek umeei? Galdera hauei eta beste hainbati erantzun dio gaurko gonbidatuak. Entzumenaren gaiarekin jarraituz, Lorea Argaratek soinu eta uhinen magiari buruz hitz egin digu. Uhinen ezaugarriak, musika instrumentu bakoitzaren tinbrea, harmonia… zer diren azaldu dizkigu. Kultura desberdinetan musikak dituen lengoaia eta patroi bariazioak ere jarri dizkigu mahai gainean.
Irakurri Gehiago
Euskarabildua jardunaldiak burujabetza teknologikoan jarri nahi du fokua aurten,. "Hodeia ez da existitzen, beste norbaiten ordenagailua da" lelopean, urriak 24an Donostiako San Telmo museoan izango da eta antolatzaileetako bat, Eli Pombo, xehetasun batzuk azaltzera etorri zaigu. Galder Gonzalez eta Aitzol Astigarragarekin wikipediak eta burujabetza teknologiak duten harremanari buruz hitz egin dugu. Azkenik, Lorea Argaratek teknologien bitartez gure eguneroko bizitza nola kontrola daitekeen azaldu digu.
Irakurri Gehiago
Gaurko saioan Emoki elkarteko Jone Zalduegi izan dugu gurekin. Urriaren 12an Azkuna Zentroan izango diren jokoteknia jardunaldien inguruan hitz egin digu, eta beraien elkarteak egiten dituen jarduerei buruz ere bai. Genero estereotipoak bideojokoetan, ume eta nerabeek bideojokoen bitartez jasotzen duten heziketa, mezu sexistak… gai hauek guztiak jorratu ditugu. Manex mundu digitaleko prezio dinamikoetaz mintzatu da eta Lorea Argaratek gure datuek interneten dituzten prezioak jarri dizkigu mahai gainean.
Irakurri Gehiago
Diana Franco izan dugu Haritu Laborategiaren proiektua zertan datzan azaltzen. Azkuna Zentroan irailetik abendura egongo den kultura digitala eta teknologiako laborategi berriaren programaren nondik norakoen inguruan hitz egin digu. Wikipedian, bideojokoen inguruan mintzatu gara eta Aitzol Astigarraga eta Galder Gonzalezek “Egunean behin” jokuari buruzko informazioa eman digute. Azkenik, Manex Garaiok Facebook-ek hedabide eta enpresekin duen harremanaren inguruan hausnartzera eraman gaitu, nork laguntzen dio nori? Facebook-ek enpresei, edo alderantziz?
Irakurri Gehiago
Gaurkoan Euskal Private Market Place proiektuaren inguruan hitz egin dugu Ibon Mujika eta Iraitz Elgezabalekin. Eusko Jaurlaritzaren, Eitb-ren eta Tokikom-en artean sortu duten proiektu honek publizitate programatikoa euskaraz gauzatzea ahalbidetu nahi du. Lorea Argarate umeak interneten duten presentziari buruz mintzatu zaigu: gurasoek egiten duten umeen oversharing-a eta ume eta nerabeen artean pornografia edukitzen ari den eragina islatzen duten datuak jarri ditugu mahai gainean. Azkenik, retroinformatikaren gaiaren baitan, historian zehar informatika munduan emakumeek jokatu dituzten paper garrantzitsuak aipatu dituzte Aitzol Astigarraga eta Galder Gonzalezek.
Irakurri Gehiago
Bideojokoen ekoizpenari so egin diogu Ibai Aizpurua Arakamarekin batera. Prozesua ezagutu dugu, baita tresna eta baliabideak ere. Bideojokoetan jokalari adituak hautatu izan dira gerra Dronak gidatzeko, horrela azaldu digu Lorea Argaratek. Manex Garaioren eskutik iraganera so egin diogu, amantal zuridun informatikariekin #retroinformatika ezagutu arte.
Irakurri Gehiago