Ez da urregorria argi egiten duen guztia. Eta datuak garaiko urregorritzat ditugun arren arloaren gaineko konfiantza falta handia da. Burbuila itxura hartzen du maiz, lehertu daitekeen horietakoa, eta publizitate ekosistema digitalean sortzen diren berritasun guztiek ez dute laguntzen. Datuen inguruko hiztegi txikia duzue honakoa:

 

DATU MOTAK

Kategoriaren arabera

  • Datu egituratuak

Testu-motako fitxategiak dira, ilaratan eta tituludun zutabetan erakutsi daitezkeenak. Datu base hauek ordenatu daitezke. Modu errazean prozesatzen dira datuak tratatzeko tresna guztietan.

  • Datu ez egituratuak

Datu base erlazionatuetan ez daudenak dira; hala nola, XML dokumentuk edo

NoSQL datu baseetan gordetzen direnak. Ohikoenak, sare sozialaren bidez sortutakoak dira, jpg irudien fitxategiak, audio fitxategiak edo flash motako bideo-fitxategiak.

 

Marketin digitaleko sailkapen eta izendapena

  • Zero Party Data

Kontsumitzaileek adierazitako datuak dira, inkesta bidezkoak nagusiki.

  • First Party Data

Erabiltzaileak erakundearekin dituen kanalekin izandako interakzioen bidez eskuratutako datuak dira.

  • Second Party Data

Batez ere, erosketa eta salmenta akordioetatik datozen datuak dira.

  • Third Party Data

Datu bilketan jarduten duten enpresen bitartez eskuratzen dira. Milaka webgunetan jasotako datu eta konpainien datuak dira, milaka webguneren datuak eta jokabideak biltzen dituzte, publizitate helburuekin saltzeko.

 

Datuak biltzeko prozesuaren araberako datu motak

  • Datu deterministikoak

%100  egiaztatutako iturrietatik biltzen direnak dira. Hala nola, CRMan jasotzen diren erregistroak, norbanako bakoitzak balio bakarra dauka.

  • Adierazitako datuak

Erabiltzaileak informazio ezin egiaztagarria eman du, edozein motatakoa izanik ere. Audientzia-profil bat emateko aukera ematen digun iturria.

  • Datu inferenteak

Erabiltzaile bati audientzia-profil bat ematen zaio nabigazio-patroien arabera.

  • Modelatutako datuak

Ekintza jakin bat egin dutenen lagina estrapolatuz sortzen dira.

 

 

DATU EROSLEAK

Datuak informazioa dira eta informazioa erosi egiten da. Baina, nork?

  • Iragarlea

Mezuak pertsona egokiari zabaldu nahi dizkion interesdun nagusia.

  • Publisher

Webguneen titularrak. Datuak erosi ditzakete audientzia profilak aberastu eta berriz saltzeko.

  • Medio agentzia

Iragarleentzako trafiko erosketan bitartekariak dira.

  • Trading Desk

Publizitate programatikoaren erosketaren optimizazioaz arduratzen dira. Agentziaren parte izan daiteke edo ez.

  • DMP

Datuak batu, integratu eta kudeatzen dituen plataforma teknologikoak dira.

  • CDP

Iturri ezberdinetako datuak zentralizatu eta marketin ekintzak gauzatzeko beste sistema batzuen esku jartzen dituzten softwareak dira.

  • Beste batzuk

Audientzia neurketez arduratzen diren agenteak, adibidez.

 

DATU SALTZAILEAK

Erosten den guztia saltzen da. Baina nork saltzen ditu datuak, nor da merkaturatzearen arduraduna. Ez da bat, ez da bakarra:

  • Datu biltzaileak 

Publisherrak, sare sozialak eta haien erabiltzaileen datuak saltzen dituzten askotariko enpresak.

  • Datu agregatzaileak 

Hirugarrenen datu-baseak komertzializatzen dituzte. Daten jabeen eta erosleen arteko bitartekariak dira.

  • Datu prozesatzaileak

DMPek datuak Bildu, integratu eta kudeatzeaz gain horiek analizatu eta beste plataforma batzuekin gurutzatzeko gaitasuna dute

 

DATUEN ERABILERA

Datuak salerosten dira erabiltzeko, noski. Hainbat erabilera ezberdin baitituzte, azken helburua, gehienetan, salmenta izanik.

  • Customer journey: erabiltzailearen trazabilitatea

Datuen erabilita erabiltzaile batek jasoko dituen inpaktu kopurua eta maiztasuna kontrolatu daiteke. Baita, kanpainarekin dituen interakzioak eta azken konbertsioa ere.

  • Medioak aktibatzeko: bilketa, segmentazioa eta mediotan aktibatzea.

Datu mota ezberdinak jasotzen dira iturri ezberdinetatik. Garrantzitsua da identitate kapa baten bidez, erabiltzaile bera datu-base ezberdinetan identifikatu ahal izatea. Bildutako datu horiek prozesatu, ezagutu eta segmentatu egiten dira  eta horren arabera aktibatu dira kanpainak.

  • Sormenerako

Erabiltzailearen interesen eta egoeraren arabera moldatzen dira mezuak.

  • Ikerketarako

Aurretiaz ikerketa erabiltzaileek adierazitako datuetan oinarritzen zen: inkestak, talde-dinamikak… arlo digitalak erabiltzaileek kontatzen dutenetik haratago egiten dutena jasotzeko aukera ematen du.

  • Modelizaziorako

Teknika matematiko eta estatistikoak erabiltzen dira analisia egin eta aurreikuspenak egiteko.

 

 

Iturria: Libro Blanco de Data, IAB Spain.  

Argazkia: Christoph Scholz

Aurreko bidalketa

[PODCAST] Sare sozialetako profilak

Hurrengo bidalketa

[PODCAST] Hatz potolotik ahotsera

Egilea

Lorea Arakistain Aizpiri

Lorea Arakistain Aizpiri

@loreaarakistain
Eibartarra naiz eta komunikazioan ari naiz institutu sasoian ...eta kitto! astekarian hasi nintzenetik. Ondoren, kazetaritza ikasi eta trintxeraren alde biak ezagutu eta maite izan ditut. Gaur egun, afizioez egin dut ofizio: komunikazioa, internet eta euskara. Horiekin eta horientzat egiten dut lan PuntuEUS Fundazioan.

Ez dut off-line eta on-line banaketan sinisten.

Iruzkinik ez

Utzi erantzun bat

Zure e-posta helbidea ez da argitaratuko. Beharrezko eremuak * markatuta daude